不良義賣
“每一隻史葛拉陶的優良作品背後，都有一堆不良的作品s”...
主理人Scott Chan話：是咁嘅，講到尾，就係想將所有未到最完美嘅試作品，搵個原因以試作品價錢賣出，用賺到嘅錢做善事。一來可以為世界出一分力，二來又可以超平咁賣俾唔介意有少少瑕疵嘅朋友，我仲可以放肆咁試新嘢。
史葛拉陶將在品牌網站推出不良義賣活動，作為史葛拉陶新加入的恆常網上販售活動，主理人將自品牌創立以來的試作品和少少瑕疵的不良品，包括花瓶，擺設和杯盤碗碟等陶藝品，以非常善良的「不良價」公開發售，每半年結算一次，扣除成本後將會全數捐給Scott親自挑選的慈善機構。
戴定頭盔，正所謂「我地一片丹心為人民，長命生意長命做」，是次義賣的「不良品」，其實只是外貌少少炒炒地，絕不影響本身的功用，每一件同樣都是由Scott親手製造，並以主現人的良心準則 —— 「100分的作品正價賣，80-90分的係不良品，70分以下的送哂俾自己人~~」親手挑選。
義賣自家不良品，除了拋磚引玉做善事，更希望大家面對瑕疵，與其遮遮掩掩，倒不如磊落地擁抱不良，誠實地接受自己的瑕疵，甚至愛上這種看似不完美的完美吧。
———————————————
關於不良logo
雖然外表有少少衰格，但勝在心地善良，仲有少少似史葛拉陶的標誌。粗糙的外表下蘊藏著慈善羚羊一樣溫暖的心，講粗口但義氣當頭，咸濕但路見不平，壞壞的但最鍾意抱狗散步同吸貓，閒時仲去做善事， 咁其實，又有幾不良？
